WordPress Me Dropbox Upload Form Kaise Create Kare ?

Agar aapko zayada attachments mil rahe hain to file upload option ke sath ek contact form ko manage karna mushkil ho sakta hai. Isliye aapko apne WordPress website me Dropbox Upload Form Create kar lena chahiye, uske baad aap apne form ko Dropbox se connect kar paenge aur unn file ko direct cloud me upload kar sakte hain. To chaliye ab hamlog detail me jante hain WordPress Me Dropbox Upload Form Kaise Create Kare ?

WordPress Me Dropbox Upload Form Kaise Create Kare

Dropbox kya hai ?

Dropbox ek American company Dropbox ‘Inc’ ke zariye chalaya hua ek file hosting service hai, Jiska headquarter San Francisco, California me hai, Jo cloud storage, file synchronization, personal cloud, aur client software offer karta hai. Dropbox ko 2007 me MIT ke students ‘Drew Houston aur Arash Ferdowsi’ ne company startup ke roop me ki thi.

Dropbox usesr ke folder me ek special folder create kar ke ek saath ek central place par files ko lata hai. Inn folder ke content ko Dropbox ke server aur dusre computer aur devices ke liye synchronized kiya jata hai. Jaha users ne Dropbox ko install kiya hai. Sabhi devices par same files ko up-to-date rakhte hai.

Dropbox ek freemium business model ka use karta hai. jahan users ko ek free account ke liye offer ki jati hai, jisme ek set storage size hota hai, jsme paid subscriptions available hote hain, ye aur zayada capacity aur additional features provide karta hai. Dropbox Basic users ko 2 gigabytes free storage space diya jata hai.

Dropbox Plus users ko storage space ke two terabytes diye gaye hain aur saath hi advanced sharing controls, remote wipe, aur ek optional Extended Version History add-onetc jaise additional features diye gaye hain.

Dropbox Microsoft Windows, Apple macOS, aur Linux computers, aur iOS, Android, aur Windows Phone smartphones aur tablets ke liye ek cloud application provide karta hai. Jab ham is app ko apne computer ya mobile me daalkar login karte hai to ye hume apne device me se kisi bhi file ko apne server par upload karne deta hai. File server par upload hone ke baad hum is Files ko dropbox ki website se kabhi bhi aur kahi se bhi wapis download kar sakte hain.

Dropbox ki khaas baat ye hai ki aap iss me se kisi bhi File ya Folder ko logo ke saath bhi share kar sakte hai.

Form attachments Upload karne ke liye Dropbox Kyun use kare ?

Kuchh time ke liye users ko apne website par file attachment upload karne ki zarurat ho sakti hai. For example, job board ke website ko CV ya work samples ko upload karne ke liye upload file option ki zarurat ho sakti hai.

Ek customer feedback form me file upload option ki zarurat ho sakti hai, taki usesr screenshot send kar sake. Ek photo contest website me users ko apni entries upload karne ke liye upload form ko zarurat ho sakti hai.

Jaise hi aap file receive karte hain, aap unn file ko apne WordPress website par upload kar sakte hain. Unhe aapke website ke wp-content folder me add kiya jaega.

Lekin agar aap bahut sare entries ko receive karne ki ummid kar rahe hain, aur wo aapki actual website files se related nahi hai to unhe alag se store karna ek achha idea hai.

Dropbox me form attachments Upload karne ke advantages:

  • Aapke WordPress files se upload entries form ko alag rakhta hai.
  • Dropbox unn file ko kisi ke sath share karna asaan banata hai aur aapko unhe apni website ki access dene ki zarurat nahi hai.
  • Aap apne Dropbox dashboard se form attachments ko asaani se browse aur manage kar sakte hain.
  • Agar aapko unn file ki zarurat nahi hai to aap unhe download, archive, and delete kar sakte hain.

Chaliye ab hamlog Step by step WordPress Me Dropbox Upload Form Kaise Create Kare jante hain.

WordPress Me Dropbox Upload Form Kaise Create Kare ?

WordPress me Dropbox upload form create karne ke liye, Sabse pahle aapko apne WordPress website par WPForms plugin ko install aur activate karna hai. WPForm plugin ke zariye aap apni site par beautiful contact forms, feedback form, subscription forms, payment forms etc type ke form ko khud se create kar sakte hain. Aapko kisi bhi web developer ko hire karne ki zarurat nahi padegi.

Kisi bhi WordPress plugin ko kaise install karte hain iski detail me information lene ke liye aap hamari separate article WordPress Plugin Install Kaise Kare ko read kar sakte hain.

Note: WPForms ek paid plugin hai. Aapko iss process me use kiye jane wale “Zapier addon” ko access karne ke liye iske kam se kam ‘Pro’ plan ki zarurat hogi.

Activation ke baad, aap apne WordPress admin area me “WPForms » Add New page” ko visit kare.

WPForm Plugin

Ye aapko WPForms form builder page par le jaega. Bass apne form ke liye ek name provide kare aur fir starting point ke roop me simple contact form select kare.

WordPress Me Dropbox Upload Form Create Kare

‘WPForms’ form template ko normally use kiye jane wale form fields ke sath load karnege. Aap ise edit karne ke liye kisi bhi field par click kar sakte hain aur aap ise rearrange karne ya form me new field add karne ke liye field ko drag bhi kar sakte hain.

Next ab aap left column me “Fancy fields” section ke niche “File Upload” button ko jis location par chahte hain wahan par drag and drop kare.

WordPress me Dropbox upload form create kare

Ab aap apne form ko save karne ke liye “save” button par click kare.

Integrating Zapier with WPForms

Next ab aap apne form ko apne Dropbox account se connect kare. Ham aisa karne ek liye Zapier service ka use karenge. Zapier aapko bina kisi code ko likhe alag alag app ko apni website se connect karne ke liye allow karta hai. Iss situation me iska use WPForms and Dropbox ke bich connection banane ke liye kiya jata hai.

WPForms ‘Zapier Addon’ ke sath aata hai jise aap Dropbox aur 1500 popular apps ke sath integrate karne ke liye use karte hain.

Iss addon ko access karne ke liye, Aap “WPForms » Addons page” par visit kare. Wahan aap Zapier addon ke “Install Addon” button par click kare aur fir ye automatically activate ho jaega.

Integrating Zapier with WPForms

Iske baad ab aap apne WordPress admin area me “WPForms » Settings » Integrations page” par visit kare. Wahan se aap apne ‘Zapier API key’ ko copy kare, Ise apne WordPress website se ziper ko connect karne ke liye use karenge.

Integrating Zapier with WPForms

‘Zapier API key’ ko copy karne ke baad, Aap Zapier website par jaye aur apna Zapier account login kare. Then continue rakhne ek liye “Make a Zap” button par click kare.

Integrating Zapier with WPForms

Yaha bahut sare app available honge. ‘WPForms’ ke liye serach kare aur ek trigger app ke tarah select kare.

choose as a trigger app

Uske baad aapko WPForms app ke liye ek trigger event roop me “New Form Entry” ko select kare. Ye har form submission par trigger create karega.

New Form Entry

Ab aap aage jaye aur apni site par WPForm plugin ke sath Zapier account ko connect karne ke liye “Sign in to WPForms” button par click kare.

Zapier ko apni site se connect karne ke liye, Aap apne website URL ko Zapier API key se connect kare, jise aapne upar copy kiya tha.

Ye WPForms account ko display karega. “Continue” button par click kare.

choose-account

Ab yaha par ek “form” dropdown hoga usme, Aap pahle se create kiye hue upload file ko select kare.

Integrating Zapier with WPForms

Next ab aap “continue” button par click kare.

Next step par jane se pahle, Zapier aapko dekhne ke liye kahega ki kia sabhi setting thik se kaam kar rahi hai, iske liye aapko new file upload form ko test karne ke liye kahega.

Aap WordPress admin area me “WPForms » All Forms page” par visit kare aur file upload form ke niche “Preview” link par click kare.

Integrating Zapier with WPForms

Iss test ko smooth banane ke liye, Aap ek file upload kare aur message section me dummy text bhi add kare. Ab test entry ko submit kare aur Zapier account me jaye aur “Test & Continue” button par click kare.

Integrating Zapier with WPForms

Note: Aap “Find Data” section me test entry ko check kar sakte hain.

Agar test successful hota hai to ye next step par jaega jahan aap dropbox ke sath apne form ko integrate kar sakte hain.

Connecting WPForms with Dropbox

Sabe pahle aap apne Dropbox account par jaye aur ek new Dropbox upload folder create kare. Aap iss folder ka name badal kar “‘WPForms Uploads” rakh sakte hain ya fir koi bhi name de sakte hain. Aapke sabhi file attachments iss folder me automatically upload ho jaenge.

Iske baad aap apne Zapier account me wapas jaye. “Do this” section me, aap “Dropbox” choose kare.

Connecting WPForms with Dropbox

Yaha aapDropbox ke liye ek action create kare. “Upload File” option choose kare aur “Continue” button par click kare.

Connecting WPForms with Dropbox

Uske baad aap apne Dropbox account ko select karne ke liye “Sign in to Dropbox” button par click kare aur ise Zapier se connect kare.

Connecting WPForms with Dropbox

Connect karne ke baad, “Continue” button par click kare.

Now aap Dropbox file settings ko configure kare. Ye apse 2 option mangega:

  1. Dropbox folder jahan aap file attachments ko save karna chahte hain.
  2. The WPForms file upload field
Connecting WPForms with Dropbox

Set up karne ke baad, Aap aage badhe aur apne configuration ka test kare. Aur continue rakhne ke liye “Test & Continue” button par click kare.

Connecting WPForms with Dropbox

Lastly, inn settings ko store karne ke liye “Turn Zap On” button par click kare. Isme kuch second ka time lagega, aur aap screen ke top rights corner par Zap status ko dekhenge.

Connecting WPForms with Dropbox

File upload option ke sath aapka online form aapke website se connect hone ke liye ready hai.

WordPress me Dropbox Upload Form kaise add kare ?

WordPress me Dropbox upload form ko add karne ke liye, Aap kisi bhi page ya post ko edit kar sakte hain jahan aap ise show karna chahte hain.

Simply content editor me WPForms block ko add kare aur aapke zariye pahle create kiye form ko select kare.

WordPress me Dropbox upload form ko add kare

‘WPForms’ content editor ke andar aapke form ka live preview load karta hai.

WordPress me Dropbox upload form ko add kare

Ab aap apni website par action karne ke liye form par jaye. Aap kisi file ko upload kar ke aur form ko fill up kar ke bhi form ka test kar sakte hai.

WordPress me Dropbox upload form ko add kare

That’s all.

Ummid hai aapko ye article (WordPress Me Dropbox Upload Form Kaise Create Kare) informative laga hoga. Agar aapka koi swaaal hai to aap humse comment section me pooch sakte hain. Apke liye ye ( WordPress in Hindi ) course design kiya gya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.

Also Read :