Plugins kya hota hai?

What is a WordPress Plugin

Plugins kya hota hai – Plugin software program ka ek aisa element hota hai jise kisi specific feature aur functionality ke liye add kiya ja sakta hai. Plugins hamare website me naye functionality aur features ko add karta hai. Ye ek aisa software ka piece hai jise dusre software me kisi particular functionality ke liye plug-in kiya jata hai. Isi wajah se ise Plugin kaha jata hai.

WordPress pe bhi different functionality ko perform karne ke liye different Plugins ka use kiya jata hai. WordPress Plugins ko PHP Programming Language me likha gaya hai. Plugins ki help se WordPress website pe kisi bhi tarah ke code ka use kiye bina desired feature ko add kiya ja sakta hai. 

WordPress pe ek site administrator ke taur pe aap kisi bhi Plugin ko install aur uninstall kar sakte hai. Market me aapko bahut saare Plugins free me mil jayenge jise aap install kar ke use kar sakte hai. Free Official wordpress Plugins ke sath hi Premium Plugins bhi hai jise aap website pe add kar sakte hai.

Apne site ke liye Plugins select karte waqt kuch baton ka dhyan dena hota hai. Aap ko ye dekhna hoga ke aapka select kiya gya Plugin wordpress ke latest version ke sath compatible hai ke nahi, us Plugin ki rating kya hai, use kitne din pahle update kiya gaya hai.

Plugins ke bare me ek ghalat fahmi logon me hai ke ye site ko slow kar deta hai. Aisa bilkul nahi hai, website pe install kiye gaye bad Plugins hi aapki site ko slow karte hai ya phir bina zaroorat ke plugins. Agar aap ek acha Plugin apne site pe install karenge to wo aapki website ko kabhi bhi slow nahi karega.

WordPress me aap plugin install kar ke naye features add kar sakte hain, Jaise ki agar aapko apne website ke upar kuch sell karna hai to aapko uske liye Woocommerce Plugin install karna hoga jisse aapka website online shopping site ki trah work karne lagega. Isi tarah bahit se dusre Plugins hai jise add kar ke aap alag alag tarah ke functions ko bina kisi bhi coding knowledge ke perform kar sakte hai.

WordPress Plugin Option :

Aap jab WordPress ke admin panel me login karenge to baye side me diye gaye option me Plugins ka option dikhega jaha aapko Add New option (yani ki naya plugin add karne ka feature) sath hi Installed Plugins ka option milta hai jisse aap pahle se install hue plugin dekh sake hai sath hi Inactive/uninstall bhi kar sakte hai. 

WordPress Plugins

Note : Lekin agar aap apne site ko user ke liye achha banana chahte hai to aise me jyda plugin ka use na kre isse website ki loading time badh jati hai keval unhi plugin ka istemal karna chiye jinki aapko jyda jarurat ho. 

To Doston bas itnahi, Ummid hai aapko ye article ( Plugins kya hota hai ) informative laga hoga. Agar aapka koi swaaal hai to aap humse comment section me pooch sakte hain. Apke liye ye ( WordPress in Hindi ) course design kiya gya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.

Also Read :