WordPress.com vs WordPress.org – Kis Blog Platform Ka Use Kare ?

WordPress.com vs WordPress.org

WordPress.com vs WordPress.org : Kya aapko pata hai ke WordPress.com aur WordPress.org do different platform hai. Aksar beginners ko in dono platform ko choose karne me confusion hota hai aur is wajah se wo galat platform choose kar lete hai. Kis blog platform ko choose karna hai ye aapke blog ke type aur aap kya karna chahte hai is pe depend karta hai.

Agar aap blogging fun ke liye kar rahe hai ya ye aapki hobby hai to aap Blogspot ka use kar sakte hai. BlogSpot, WordPress.com, Medium.com or Tumblr, free blogging platform hai aur ise manage karne bhi aasan hai.

Agar aap Blogging apne business ko promote karne ya paise earn karne ke liye karna chahte hai to aap more professional platform jaise WordPress.org use kar sakte hai.

Is guide me hum aapko WordPress.com vs WordPress.org ke key difference ke bare me batayenge, taki aap sahi platform ka use kar sake. Isse aapko ye samajhne me help milega ke kaun sa WordPress platform aapke liye accha hai.

WordPress.com vs WordPress.org :

WordPress apne software ke do variation offer karta hai WordPress.com and WordPress.org. In dono ke difference ko samajhne ka best tareeqa hai ke hum in dono platform ko individually dekhe.

WordPress.com :

WordPress.com ek hosting service hai jise WordPress ke co-founder Matt Mullenweg ne banaya tha. Yahi wajah hai ke user aksar wordress.com aur wordpress.org me confuse rahte hai.

WordPress.com vs WordPress.org

WordPress.com ek free Blogging Platform hai jis pe koi bhi free me blogging start kar sakta hai. Jub aap WordPress.com pe blog create karte hai to aapko is tarh ka “something.wordpress.com” web address milta hai. In blog ko WordPress.com pe host kiya jata hai. Ye Platform aise logon ke liye bilkul sahi hai jo apne personal writing ko host karne ke liye blog banana chahta hai. Agar aap apne blog se paise earn karna chahte hai to ye platform aapke liye sahi nahi hai.

WordPress.com Benefits :

Agar aap ek hobby blogger hai to aapke liye ye ek best option hai. Yahan pe aapko 3GB ka space free mil jayega, iske baad aapko space ke liye paid plan ki tarf move karna hoga. Paid plan ke char option hai :-

  • Personal – $36 per year
  • Premium – $99 per year
  • Business – $299 per year
  • VIP – starting at $5000 per month

WordPress.com pe aapko updates aur backup ke liye pareshan nahi hona parega. WordPress iska dhyan rakhega.

WordPress.com Cons :

WordPress.com ke bahut se limitations hai jo ise WordPress.org ko differentiate karta hai.

  • Aapke website pe add aayega aapke users add dekhenge par aap un adds ko apne blog pe display kar ke paise earn nahi kar sakte hai. Agar aap add free service chahte hai to aapko $36 ke plan ko upgrade karna hoga.
  • Aap third party Plugins install nahi kar sakte hai.
  • Aapke pass limited theme ke option honge.
  • Aaap Google Analytics ka use nahi kar sakte hai. Agar aapne business plan le rakha hai to aap iska use kar sakte hai.
  • Aapka apne blog pe control nahi hoga. Kisi rules ko violet karne pe Aapke blog ko kisi bhi time delete kiya ja sakta hai.
  • WordPress.com se aap membership website nahi bana sakte hai.
  • Yahan pe aapko eCommerce features ya integrated payment gateways feature nahi milega.
  • Aapki site pe “powered by WordPress.com link” display hoga. Aap ise Business plan me upgrade kar ke remove kar sakte hai.

Jiasa ke aap dekh sakte hai ke WordPress.com free, personal, aur premium plan pe bhi kitna limited hai. Aapko advance feature ko unlock karne ke liye business plan ya VIP plan ka use karna hoga.

WordPress.org :

WordPress.com vs WordPress.org

WordPress.org ek popular website platform hai jiske bare me aapne bahut saari acchi baten suni hogi. Ye ek open source hai aur har kisi ke use ke liye free hai. Yahan pe apne blog ko create karne ke liye aapko sirf ek Domain aur Hosting ki zaroorat hogi. Yahi wajah hai ke ise self-hosted WordPress bhi kaha jata hai.

WordPress.org Benefits :

WordPress.org pe aapko apne blog pe full control diya jata hai. Aap apni website pe kuch bhi kar sakte hai, aapko yahan pe apne blog ko manage karne ki poori freedom di gayi hai. Niche WordPress.org ke kuch benefits diye gaye hai.

  • Ye bilkul free hai aur use karne me bahut aasan hai.
  • Yahan pe aapke site ko band nahi kiya jayega, jubtak ki aap kuch illegal na kare.
  • Yahan pe aap free, paid, aur custom WordPress plugins / apps ko apne website pe add kar sakte hai.
  • Aap apne WordPress design ko jis tarah chahe customize kar sakte hai. Aaap koi bhi free ya paid Theme ka use kar sakte hai.
  • Aap apne wordpress site pe kisi se revenue share kiye bina apna kud ka ad run kar sakte hai.
  • Aap custom analytics aur tracking ke liye Google Analytics ka use kar sakte hai.
  • Aap Self-hosted WordPress pe digital aur physical product ko sell karne ke liye Online store create kar sakte hai.
  • Aap membership site create kar sakte hai aur premium content aur courses ke liye subscription sell kar sakte hai.

WordPress.org Cons :

Self-hosted WordPress.org site use karne ke bahut kamm cons hai.

  • Har website ki tarah aapko Hosting ki zaroorat hogi. Hosting ki help se aap apne files ko internet pe store kar sakte hai. Starting me aapko hosting ka cost $3 se $10 tak hogi, phir jaise jaise aapki site increase karegi aur traffic increase hogi aapke hosting ka cost barhega.
  • WordPress ko update karne ke liye aap khud responsible honge. Ap WordPress ko simply update button pe click kar ke update kar sakte hai.
  • Apni site ki backup ke liye aap responsible honge. Bahut sare aise Plugins hai jinki help se aap apni site ka automatic backup le sakte hai.

WordPress.org ka real cost is baat se barhta hai ke aap kis tarah ki website banana chahte hai (simple blog, portfolio website, eCommerce store, membership site, etc). Iske alawa bhi kuch factors hai jaise free templates vs premium templates, free plugins vs premium plugins, etc.

Interesting facts about WordPress :

  • Kuch popular website jaise TechCrunch, ShoutMeLoud CNN, Forbes WordPress powered website hai.
  • Duniya me 30% website WordPress pe bane huye hai.
  • Sabhi popular mobile platforms (iOS, Android, Blackberry) ke liye WordPress App available hai.
  • WordPress ka use directory websites, affiliate systems, portfolio websites, ticketing systems, jaise website ko create karne ke liye use kiya jata hai.

To Doston bas itnahi, Ummid hai aapko ye article ( WordPress.com vs WordPress.org ) informative laga hoga. Agar aapka koi swaaal hai to aap humse comment section me pooch sakte hain. Apke liye ye ( WordPress in Hindi ) course design kiya gya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.

Also Read :