WordPress Plugin Install Kaise Kare ?

WordPress install karne ke baad jo sabse pahli chiz kisi bhi beginners ko karni chahye wo hai WordPress Plugin Install karna. WordPress Plugin ki help se hum apne site me naye functionality ko add kar sakte hai. Hazaro free aur paid plugins available hai jise aap install kar sakte hai.

Aaj is post me hum aapko batayenge ke aap WordPress Plugins install kaise kare. Blog start karne ke series me abtak aap jaan chuke hai:-

Ab is post me aap seekhenge ke WordPress pe hum kis kis tarah se Plugins Install kar sakte hai. WordPress pe Plugins ko intall karne ke 3 ways hai jo niche bataya gya hai.

WordPress Plugin Install Kaise Kare ?

WordPress ek full-fledged content management system (CMS) hai, aur jub hum WordPress use karna shuru karte hai to kuch technical things hai jise hume janne ki zaroorat hoti hai, jinme se ek hai WordPress Plugins Install karne ke bare me janna.

WordPress Plugins Install karne ka mainly 3 different ways hai jiske help se Plugins ko Install kiya ja sakta hai.

To aaeye jante hai WordPress Plugins Install karne ke 3 different ways ko:-

Search and Install :

WordPress me Plugins install karne ke ways me ek hai search and install. WordPress dashboard se plugin install karna sab se aasan tareeqa hai. Agar aap plugin ka naam jante hai to aap dashboard ke search bar me plugin ka naam likh kar directly search aur install kar sakte hai.

Dasdhboard se Plugin install karne ke liye sabse pahle aapko WordPress admin area me jana hoga aur Plugins ke option me jakar Add New me jaye aur Search bar me Plugin ka naam enter kare.

Install WordPress Plugin

Plugins ka namm enter karne pe aapke samne screen pe Plugin ki list open ho jayegi. Install karne ke liye Install Now ke option pe click kare. Kisi bhi Plugin ko install karte waqt is baat ka dhyan rakhe ke wo plugin aapke WordPress ke version ke sath compatible ho, aur kisi bhi plugin ko install karte waqt uske documentation ko zaroor parh len.

Install now pe click karne ke baad “activate” ke option pe click kare.

Install WordPress Plugin

Ab aapko setting panel me ja kar necessary changes karna hai. Kisi bhi plugin ko install karne ke baad use sahi se configure karna bahut zaroori hai.

WordPress Admin Se Plugin Upload aur Install Kare ?

Is method ka use generally third-party ya premium plugin ko install aur upload karne ke liye kiya jata hai. First method se aap premium ya phir third-party plugin ko install nahi kar sakte hai.

Install WordPress Plugin

Agar aapne kisi dusri jagah se plugin ko download kiy hai to aap .zip file ko directly WordPress dashboard se install kar sakte hai.

Dashboard me Plugins ke add new pe jaye aur “Upload Plugin” ke option pe click kare aur .zip file ko dhoondhne ke liye apne choose file pe click kare aur drive ko browse kare.

Is method ka use karne ke liye aapko sirf .zip format ka hi use karna hoga, iske alawa koi dusra formate yahan pe support nahi karega.

FTP Method Se Plugin Install kare :

Ye method aapke tab kaam aata hai jub aap WordPress dashboard se

WP plugin ko install nahi kar sakte hai.

Install WordPress Plugin

FTP method se file upload karne ke liye FileZilla FTP software ko download karna hoga. Uske baad ise activate aur configure karna hoga.

Aap simply plugin ko WordPress plugin library se download kare aur use unzip kar ke FTP software ki help se WordPress plugin library me upload kare. Normally plugin upload folder wp-content/plugins me located hota hai yahan pe aap apne new plugin ko unzip kare.

File ko upload karne ke baad aap WP dashboard me WordPress plugins folder me ja kar plugin ko activate kar sakte hai.

Ye method plugin ko upload karne ke liye bahut important hai jub aap server restriction ki wajah se kisi plugin ko upload nahi kar pate hai.

Generally Plugins ko install karne ke liye upar ke do method ka use kiya jata hai. Kabhi kabhi hi FTP method ka use karna parta hai.

WordPress plugins ko manage karne ke liye aap WP dashboard me ja kar Plugins ko activate or deactivate kar sakte hai.

Kabhi kabhi kisi plugin ko install karne ke bad aapke site me kuch issues aa jate hai, aisa is liye hota hai kyu ki apka install kiya gya Plugin aapke WordPress version ke sath compatible nahi hota hai. Simply apne dashboard me FTP se login kare aur us plugins ko deactivate kar den. WordPress Theme ko kaise install kare is guide ko follow karne ke liye niche diye gaye link ko follow kare.

To Doston bas itnahi, Ummid hai aapko ye article ( WordPress Plugin Install ) informative laga hoga. Agar aapka koi swaaal hai to aap humse comment section me pooch sakte hain. Apke liye ye ( WordPress in Hindi ) course design kiya gya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.

Also Read :